§1. Мал чарбачылыгы

«Технология» сабагынын 6-класс темасы: «§1. Мал чарбачылыгы» (5–15-беттер, Ч. Т. Мамбеталиев, Ж. Н. Сулайманова, Д. А. Акматов, А. С. Келгенбаев). Көчмөндөр эзелтеден эле мал чарбачылыгын жүргүзүп, аны дыйкан чарбасы менен айкалыштырып келишкен. Төрт түлүк малдан жылкы багууга өзгөчө көңүл бурулган: жаңы туулган жылкы баласын кулун, бир жашка чыкканда тай, эки жашында кунан, үч жашында бышты, төрт жашында бир асый деп аташат. Койдун тирүү салмагы 55–65 кг чейин болот. Эчкинин тыбытынан жана сүтүнөн пайдаланышат. Ири мүйүздүү малдарды (ИММ) үч топко бөлүшөт: сүт берүүчү, эт багытындагы жана эт-сүт багытындагы. Орто эсеп менен бир уй бир күндө 20 л сүт берет; дүйнөлүк рекордду Кубадагы Убре Бланка аттуу уй койгон — бир жылда 41673 л. Топоздор деңиз деңгээлинен 3000 метр бийиктикте жашаганды жактырат. Төөнүн жүнүн чууда дейт. Үй канаттууларынан эң ириси үндүк. Коёндор 10–11 кгга чейин эт беришет.