Кыргызстандагы Февраль революциясы

«Кыргызстандын тарыхы» сабагынын 9-класс темасы: I глава, § 1 «Кыргызстандагы Февраль революциясы» (М. Иманкулов, 5–13-беттер). Падышанын тактан баш тартуусу тууралуу кабар 1917-жылы 3-мартта келген, бирок расмий түрдө 10-мартта гана жарыяланган. Пишпек, Токмок, Пржевальск жана Ошто жумушчу депутаттарынын Советтери пайда болгон. 7-мартта Пишпек шаардык думасы Аткаруу комитетин түзгөн. Советтерден, Убактылуу өкмөттүн комитеттеринен жана кыргыз коомдук комитеттеринен турган үч бийлик системасы түзүлгөн. 1917-жылдын май айынын башына чейин Кыргызстанга 64 миңге жакын качкын кайткан. Пишпекте «Алаш» партиясынын бөлүмү, түштүктө «Шуро-и-Ислам» уюму, Пишпек уездинде «Букара» союзу түзүлгөн.