Кіріспе. XX ғасырдың басындағы дүние жүзі

Қазіргі заман тарихының 9-сынып тақырыбы: «Кіріспе. XX ғасырдың басындағы дүние жүзі» (5–12-беттер, Т. Өмірзақова). XX ғасырдың басында АҚШ пен Еуропаның алдыңғы қатарлы елдерінде екінші технологиялық революция өріс алды; машина жасау, электротехникалық және мұнай-химия өнеркәсібі қарқынды дамыды. Генератор, телефон, электр жарығы, рентген сәулесі XIX ғасырда-ақ ойлап табылғанымен, жаппай қолдану XX ғасырдың басында басталды. 1914 жылы АҚШ ауыл шаруашылығында 17 мың трактор пайдаланылды. Автомобиль шығару бойынша бірінші конвейерді Генри Форд 1914 жылы іске қосты. Қалалар қарқынды өсті: 1880 жылы Еуропада халқы 1,5 млннан асатын 8 қала болса, 1914 жылы олардың саны 29-ға жетті. Отарлардың ауданы 50 млн шаршы км, халқы 500 млн адам болды. Батыстың араласу саясатынан тек Жапония ғана шетте қалды. 1913 жылы Швецияда ел халқының барлығын зейнетақымен қамтамасыз ету енгізілді.