§1. Мен адаммын

«Адам жана коом» сабагынын 5-класс темасы: «§1. Мен адаммын» (5–10-беттер, Ө. Ж. Осмонов, Ш. К. Керимова, Ө. Б. Саалаев). Адам жаратылыштын бир бөлүгү катары эсептелип, жогорку сүт эмүүчүлөргө кирет — демек, адам биологиялык жандык. Ошол эле учурда адам коомдун бир бөлүгү: ал аң-сезимдүү, сүйлөйт, эмгектенет, жаңы нерсе жаратат жана маданиятты түзөт. Жаныбарларда аң-сезим болбойт, алар инстинкт боюнча жашайт. Инстинкт — жаныбарлардын түпкү тегинен бери укумдан-тукумга өтүп келген негизги аракеттери. Чыңгыз Айтматов «Кыямат» романында «Адамга эң кыйыны – күн сайын адам болуу» деп жазган. Зууракан Кайназарова, Алия Анарова жана Таштанбек Акматов Социалисттик Эмгектин эки жолку баатырлары болушкан. Космоско биринчи жол салган Юрий Гагарин адамзаттын сыймыгы болсо, кыргызстандык космонавт Салижан Шарипов кыргыз элинин даңктуу уулу болуп калды.