Муқаддима. Ҷаҳон дар ибтидои асри XX

Мавзуи синфи 9 аз таърихи навтарин: «Муқаддима. Ҷаҳон дар ибтидои асри XX» (саҳ. 5–12, Т. Умурзакова). Дар ибтидои асри XX дар ИМА ва мамлакатҳои пешқадами Аврупо инқилоби дуюми технологӣ густариш ёфт; мошинсозӣ, электротехника ва саноати нафту кимиё бошиддат рушд карданд. Генератор, телефон, рӯшноии барқ ва нурҳои рентген ҳанӯз дар асри XIX ихтироъ шуда бошанд ҳам, истифодаи оммавии онҳо дар ибтидои асри XX оғоз ёфт. Дар соли 1914 дар хоҷагии қишлоқи ИМА 17 ҳазор трактор истифода мешуд. Конвейери аввалини истеҳсоли автомобилро Генри Форд дар соли 1914 ба кор андохт. Шаҳрҳо зуд афзуданд: дар соли 1880 дар Аврупо 8 шаҳре буд, ки аҳолиашон аз 1,5 млн зиёд буд, дар соли 1914 шумораи онҳо ба 29 расид. Масоҳати мустамликаҳо 50 млн км мураббаъ, аҳолии онҳо 500 млн нафар буд. Аз сиёсати дахолати Ғарб танҳо Ҷопон дар канор монд. Дар соли 1913 дар Шветсия таъмини нафақаи тамоми аҳолии мамлакат ҷорӣ шуд.