§1. Функциялар

«Алгебра» сабагынын 9-класс темасы: «§1. Функциялар» (3–5-беттер, М. Ималиев, А. Асанов, К. Жусупов, С. Искандаров). 1-аныктама: эгерде кандайдыр бир сан көптүгүнүн каалагандай x маанисине берилген эреже аркылуу (ал эрежени f деп белгилейли) y=f(x) саны туура келсе, анда бул сан көптүгүндө функция аныкталган деп эсептейбиз. Мында x өзгөрмөсүн көз каранды эмес өзгөрмө же аргумент, ал эми y өзгөрмөсүн көз каранды өзгөрмө деп аташат. Берилген f эрежеси аркылуу y=f(x) саны аныктала турган x сандарынын көптүгүн функциянын аныкталуу областы деп аташат, ал эми функциянын маанилеринин көптүгүн функциянын маанилеринин областы деп атайбыз. 2-аныктама: функциянын графиги деп, абсциссалары аргументтин маанилерине барабар, ал эми ординаталары функциянын ал аргументтин маанилерине туура келүүчү маанилери болгон координата тегиздигинин чекиттеринин көптүгү эсептелет. Сабакта y=4x³+x+2, y=(x−2)/(x+4), y=√(2x−6), y=√((x+3)/(x−4)) функцияларынын аныкталуу областтары табылат жана y=√x, y=√(x−3)−4, y=|x| функцияларынын графиктери түзүлөт.