§1. Айлана-чөйрөдөгү объекттер

«Информатика» сабагынын 5-класс темасы: «§1. Айлана-чөйрөдөгү объекттер» (6–11-беттер, Т. Р. Орускулов, М. У. Касымалиев, А. А. Кузнецов, Л. Л. Босова). Объект – бул курчап турган реалдуулуктун (предмет, процесс, кубулуш) адам тарабынан бир бүтүн катары кабыл алына турган каалагандай бөлүгү. Телефон, стол, китеп, мышык – предметтер-объекттеринин мисалдары. Көптүк – бул объекттердин жыйындысы, топтому, коллекциясы; бул көптүктөрдү түзүүчү объекттер анын элементтери деп аталат. Көптүк чектүү (мисалы, цифралардын көптүгү) жана чексиз (мисалы, натуралдык сандардын көптүгү) болушу мүмкүн. Ар бир объект өзүнчө аталышка ээ: аталыш жалпы же жеке болушу мүмкүн. Информатика – бул жаратылыштагы, коомдогу, техникадагы информацияларды берүү, сактоо жана кайра иштетүү процесстеринин жүрүшүнүн мыйзам ченемдүүлүктөрүн окутуп-үйрөтүүчү илим. Ар бир касиет кандайдыр бир чоңдук жана ал ээ боло турган мааниси менен аныкталат. Объекттин мүмкүнчүлүктөрү «Ал эмне жасай алат?» (активдүү аракет) же «Аны эмне кылса болот?» (пассивдүү аракет) деген суроолорго жооп берүүчү аракеттердин аталыштары менен белгиленет.